परीक्षाका अनेकौं रूपहरू मध्ये
मौखिक माध्यममा पहिलो पक्षले दोस्रो पक्षलाई पेशा र जागिरको बारेमा सामान्य
जानकारी राख्ने कुनै पनि विषयको बारेमा प्रश्नोत्तर गर्ने प्रक्रिया नै
अन्तर्वार्ता हो ।
अन्तर्वार्तामा परीक्षार्थीको विषयवस्तुको संज्ञानात्मक पाटाको मात्र नभई प्रस्तुतीकरण शैली र आत्मविश्वास पनि परीक्षण गर्ने गरिन्छ । अन्तरबार्ता दिन जाँदा तलका कुराहरुलाई ध्यान दिनुहोस् सफलता अबश्य मिल्नेछ ।
अन्तर्वार्तामा परीक्षार्थीको विषयवस्तुको संज्ञानात्मक पाटाको मात्र नभई प्रस्तुतीकरण शैली र आत्मविश्वास पनि परीक्षण गर्ने गरिन्छ । अन्तरबार्ता दिन जाँदा तलका कुराहरुलाई ध्यान दिनुहोस् सफलता अबश्य मिल्नेछ ।
- लोक सेवा आयोगले पनि
अन्तर्वार्ताको क्रममा आफ्नो पाठ्यक्रममा भएका विषयसूची तथा समसामयिक
घटनाक्रमहरूबाट प्रश्नहरू सोध्ने गर्छ ।
- खरिदार तथा प्राविधिक खरिदार अमिन वा सो सरहको पदको
अन्तर्वार्ता कार्यक्रममा लोक सेवा आयोगका कार्यालय प्रमुखको अध्यक्षतामा
कम्तीमा तीन जनाको अन्तर्वार्ता समिति गठन गरिएको हुन्छ । जसमा समितिका
अध्यक्ष सहित विषयविज्ञ तथा अर्को एक जना लोक सेवाका सदस्य समेत रहेका
हुन्छन् ।
- एकीकृत तथा संयुक्त
प्रणालीबाट परीक्षा दिने प्रशासन, संसद तथा लेखापरीक्षण सेवाका
प्ररीक्षार्थीहरूले कुल ३० अंकको र प्राविधिक खरिदारका परीक्षार्थीहरुले २०
अंकको (२०७८-२०७९ बाट लागु भएको प्राविधिक खरिदारहरुले ३० अंकको) अन्तर्वार्ता दिनुपर्छ ।
- अन्तर्वार्ताका लागि तोकिएको
अंकको ४० देखि ७० प्रतिशतको बीचमा रहेर मूल्यांकनकर्ताले अंक प्रदान गर्छन् ।
अन्तर्वार्ता समितिका प्रत्येक सदस्यले आ–आफ्नो फाराममा अंक प्रदान
गर्छन् । अंक दिने र दिएको विषयमा समितिका कुनै पनि सदस्यबीच छलफल हुँदैन ।
उक्त अंक प्रत्येकले गोप्य ढंगले दिन्छन् र उक्त फारामलाई एउटा खाममा राखी
सबैको रोहवरमा सिलबन्दी गरिन्छ । अन्तर्वार्ताकर्ताको आफ्नो कुनै नातेदार हुँदा
उक्त विज्ञापनको अन्तर्वार्तामा बस्न पाइँदैन-बस्नुहुँदैन ।
अन्तर्वार्तापूर्व अन्तर्वार्ताका क्रममा र अन्तर्वार्तापश्चात उम्मेदवारको
सवल/दुर्वल पक्षबारे चर्चा गर्न पाइँदैन । अन्तर्वार्तामा बस्नेलाई
उम्मेदवारको लिखित परीक्षाको अंकबारे केही थाहा हुँदैन ।
- अन्तर्वार्ता हुने मिति,
स्थान र समयको बारेमा अग्रिम सुसूचित भई
अन्तर्वार्ताका दिन अन्तर्वार्ता सुरु हुनभन्दा कम्तीमा एक घण्टाअगावै
लोकसेवा आयोगमा पुग्ने ।
- ड्रेस अप फर्मल बनाउँदा
सकारात्मक प्रभाव देखाउन सकिन्छ । मौसम अनुसारका कपडाहरू लगाउनुपर्छ ।
- अन्तर्वार्तामा सोधिने
साधारण र साझा प्रश्नहरूको बारेमा जानकारी राखिरहनुपर्छ,
जसको बारेमा आफ्नो अन्तर्वार्ता कार्यक्रम अगावै आफ्ना साथीभाइसँग तयारी तथा अभ्यास गर्न पाइयोस् । जस्तै ः
- तपाईँको परिचय दिनुहोस् ।
- तपाइँ निजामती सेवामा किन
प्रवेश गर्न खोज्दै हुनुहुन्छ ?
- पुरानो जागिरमा के कारणले
सन्तुष्ट हुन सक्नुभएन ?
- पढाईको विषय र जागिरको फिल्ड
मिलेन नि त ?
काम गर्न सक्नुहुन्छ त ?
- अमिन-सर्भेक्षक नै किन रोज्नुभएको ? छिट्टै धेरै पैसा कमाउन
पाइन्छ भनेर हो ?
- अनि निजामती सेवा त बिग्रदै
छ भन्छन् त ! के देखेर आउन खोज्नुभएको ?
- अहिले निजामती सेवा प्रवेश
गर्नुभयो भने तपार्इँले गर्ने कामहरू के–के होलान् ?
थाहा छ ? बताउनुहोस् ।
- केही समसामयिक घटनाक्रमहरुको
बारेमा सोध्न सकिन्छ ।
- चर्चित व्यक्तिहरुको जीवन
तथा भोगाइका कुरा समेत सोधिन सक्छ ।
- तपाईँलाई मनपर्ने विधा कुन
हो ?
त्यसबाट पनि प्रश्नहरू सोधिने सम्भावना रहन्छ ।
- तपाईँले लिखित परीक्षा
दिँदा पढेका सबै पत्रका पाठ्यक्रमहरू सरसर्ती हेरेर जानुहोस्,
त्यसबाट धेरै प्रश्नहरू सोधिन्छन् ।
- आफुले प्राप्त गरेको शैक्षिक
उपाधिको बारेमा विस्तृत जानकारीहरू राख्नुहोस् ।
- अन्त्यमा तपाईँलाई
अन्तर्वार्ता कस्तो लाग्यो ? केही सुझावहरू दिनुहोस् ।
जस्ता प्रश्नहरू सोधिन सक्छन् ।
- मानसिकरूपमा तयार रहनुहोस् ।
तपाईँको आत्मविश्वासको सबैभन्दा धेरै जाँच गरिन्छ त्यहाँ । त्यसैले क्रमैसँग
नआत्ती,
नहडबडाई, आफ्नो स्वाभाविक स्वरमा,
पोस्चर एन्ड गेस्चरमा विशेष ध्यान दिएर
सभ्यताका साथ अनुशासित रहेर जवाफ दिनुहोस् ।
- अन्तर्वार्तामा सोधिएका
प्रश्नहरूको सही जवाफ नआउने भए अनुशासित भई त्यो प्रश्नको उत्तर आउँदैन
भन्नुपर्छ । त्यो क्षेत्रमा मेरो अध्ययन पुगेनछ भनेर एक्सक्युज गर्नुभयो भने
सकारात्मक प्रभाव पार्न सक्नुहुन्छ ।
- कुनै कुराको बारेमा धेरै
विज्ञ हुनुहुन्छ भने पनि आफ्नो विद्धता धेरै नदेखाउनुहोस् । घमण्ड नगर्नुहोस्
। सीमिततातर्फ मोडिनुपर्छ ।